شيرين وجدي تنفي امتلاكها لصفحة شخصية على "فيسبوك"

نفت المطربة شيرين وجدي امتلاكها لصفحات شخصية أو رسمية على موقع التواصل الاجتماعي "فيسبوك"، بعدما هوجمت خلال الفترة الأخيرة لانتقادها الحاد لعدد من المطربين المصريين في برنامج المواهب الغنائية "أراب أيدول".

وفي رسالة من شيرين نقلتها الفنانة رانيا فريد شوقي "ابنة خالتها" قالت عبر صفحتها الرسمية بموقع التواصل الاجتماعي "فيسبوك":" في حد عامل أكونت باسم شرين وجدي ده أكونت مضروب لأن شرين ماعندهاش أكونت على الفيس بوك أو غيره و للأسف في ناس هايصة في اللت والعجن شرين وجدي إنسانة محترمة و متربية و عمرها ماغلطت في حد وأنا بكتب الكلام ده لأني متأكدة من اللي بقوله".

وتابعت رانيا "عشان عارفة أن في ناس هتقولك وأنتي بتتكلمي عن لسانها ليه.. لأنها بنت خالتي والحمد لله أحنا عيلة مترابطة بنحب بعض وكمان لأني فنانة وياما أتظلمت بسبب ناس مرضة نفسيا بيعملوا accounts مزورة بأسماء المشاهير و يهاجموا فنانين تانية، نفس الشيء شرين أساسًا هي بعيدة عن الساحة بقالها فترة سيبوها في حالها بقى الكلام اللي بيألفوا و بيغلطوا في ولاد الناس".