الفنان عمرو مصطفى يدافع عن ارتفاع أسعار الوقود

علّق الفنان عمرو مصطفى على ارتفاع أسعار الوقود، بأنّ "الدولة مفلسة ومديونة نعمل إيه حد عنده حل، عندك حل تفضل قولة معندكش حل أسكت لأن سعر البنزين بعد ما ارتفعت أسعاره ما وصلش لربع سعر البنزين في تركيا اللي بينضرب بيها المثل، وعلى فكره مصر أغني من تركيا نفسها بس للأسف عندهم ناس وطنية بتسوق لبلدها صح مش شوية الخونة اللي بيشوهوا كل جميل في مصر".
وتابع مصطفى، عبر حسابه على موقع الـ"فيس بوك"، "أقسم بالله أني كنت في تركيا منذ 5 أعوام وصديق لي هناك مول عربيتة بمائة دولار يعني ٦٥٠جنيهًا، وقتها وعلى فكرة أجري في الأغنية في مصر أغلى من تركيا عايزين بس نقول الحمد لله، ونساعد بلدنا لأن عدم الرضا عالطول بيجيب نتائج عكسية".
وأوضح، "أنتم شفتم نتائج 25 الأسعار كلها دوبل، والسجائر قبل النكسة من 7جنيهات، الآن 17 جنيهًا، ماشوفتش حد يعني فتح بقه الدولة مفلسة مفهوم، ولا نبيع هدومنا ويحتلونا هنصبر بدل ما متلقيش أصلا بنزين، أحمدوا ربنا أرجوكم واطلبوا منه الرزق مش من الحكومة كفاية، أرجوكم".