الفنانة إيمي سالم مستاءة من الضجة حول خبر طلاقها

عبّرت الفنانة إيمي سالم عن استيائها الشديد من إحداث خبر انفصالها عن زوجها الفنان غسان المولى، هذه الضجة الكبيرة وكتبت إيمي عبر حسابها على "فيسبوك": "أولا.. أحب أشكر 412 Missed call اللي جولي خلال ساعتين و1293 message.. ثانيًا : كنت أفضل خبر انفصالي عن أبو أولادي ما يخدش الحجم الأوفر ده … لأننا لا أول ناس ولا آخر ناس تنفصل … ومهما كان فيه بيننا عشرة عشر سنوات نتج عنها ثلاث صبيان لسه مايعرفوش خبر الانفصال في حين إن الوطن العربي كله عرف وده حاجه مخلياني في غاية الاستياء.

وتابعت: ثالثا: أرجو عدم التحدث في هذا الموضوع لأن في مقوله بتقول إن البيوت أسرار.. بس واضح إن المقولة دي عمرها الافتراضي خلص.. رابعًا: مش من حق أي حد يعرف التفاصيل …. لأنها المفروض حاجة شخصية (المفروض).. خامسا: يا ريت الكلام يبقى على قد اللي أنا بكتبه وما يخدش حجم أكبر من حجمه لمصلحة الغير .. وما ننساش إن في أولاد في يوم من الأيام هيقروا أي حاجه هتتكتب عن أبوهم وأمهم …فيا ريت نراعي ربنا في ده".

واختتمت حديثها بقولها: "سادسا: سيظل غسان عشرة عمري وحبي الأول وأبو أاحلى ٣ ولاد فياريت لا حد يؤلف ولا يبتكر سيناريو لسبب الطلاق .. لأنه في الأول وفي الآخر نصيب. .. ومحدش عارف ربنا كاتب إيه".