ريم أحمد ترد علي الهجوم الموجه لها

بعد ان انتشر امس فيديو للفنانة الشابه ريم احمد الشهيره بشخصيه " هدي " في مسلسل " يوميات ونيس " باجزائه كلها وهي ترقص علي احدي المسارح بشكل نشيط جدا ووجه انتقاد كبير لها وللفنان محمد صبحي كونها كانت احدي بناته في المسلسل الذي غرس في اجيال كامله القيم والاخلاق قررت اليوم ريم ان تخرج عن صمتها وتوضح قائله:

١- انا مدربه زومبا اللى مايعرفش ايه هى الزومبا هى مجموعه من انواع الرقص و الفيتنس اللى على مستوى العالم كله (صلصه-مارينجى-ريجاتون- فلامنكو- هيب هوب ) و اى نوع من انواع رقص الشعوب ! و الزومبا قائمه على اداء مجموعه من الحركات تساعد على التخسيس و تمارين 

٢- الفيديو نازل من ايفينت لدعم و توعية عن مرضى السرطان تحت رعايه مستشفى بهيه و بتظيم الجامعة الأمريكية و كان سيدات فقط بس للاسف الفيديو اتصور من احدى الحاضرات و نزل على الفيس بوك و اليوتيوب و تداول بشكل غير لائق تماما 

٣- الكومنتات المسيئه ليا و لأستاذ محمد صبحى و ان المسلسل باظ و صورته اتشوهت كل ده ليه ؟ انا خريجة معهد الباليه و المعهد العالى للفنون المسرحية .. موضوع ادى تربيتك و هى دى هدى و كل الكومنتات دى حقيقى مش فاهمه ايه علاقتها و ان اصلا الفيديو ماكنش المفروض يتصور لأنه داخل حفله للسيدات فقط ! 

٤- ازاى بنى ادم يقدر يغلط فى بنى ادم تانى و هو مايعرفهوش على المستوى الانسانى ؟تحكم على حد ليه ؟ تحكم ازاى و انت او انتى اصلا ماتعرفهوش !!! 

٥- ايه علاقة ان دى تربية ونيس و ان الناس مصدومه ؟ كل الناس بتعبر عن سعادتها بالرقص حقيقى انا مستاءه من الكومنتات الغير لائقه و الخارجه على حاجه اصلا انا ماغلطش فيها ده ايفينت سيدات فقط و أُستغل بشكل خاطئ ،،، هل الصفحات اللى نزلت الفيديو عندهم مهنيه انهم زى ما نزلوا فيديو تحت مضمون خاطئ هينزلوا التوضيح ؟! طبعا كل واحد و ضميره ،،، و بشكر كل الناس اللى دافعت عن الموقف و حاولت تصحيحه