محافظ الإسكندرية جاهز للتنازل عن الجنسية الأميركية حال طلب الرئيس السيسي

أكد محافظ الإسكندرية الدكتور هاني المسيري، أن الرئيس عبد الفتاح السيسي لم يطلب منه التنازل عن جنسيته الأميركية، لكنه لم يسأل نفسه ماذا سيفعل إذا طلب منه الرئيس التنازل عن الجنسية.

وأكد المسيري في حوار صحافي له الأربعاء، أنه فكر ومستعد للتنازل عن الجنسية الأميركية إذا طلب الرئيس ذلك، مضيفًا "أنا فكرت كتير في موضوع الجنسية الأميركية، اللي أثار جدل واسع، وأنا قررت لو طلب مني الرئيس التنازل عنها هتنازل فورًا، حتى لو مش هكمل محافظ يوم واحد".

وأوضح المسيري "أنا بعتبر الجنسية الأميركية بالنسبالي جواز سفر، لكن لو التنازل عنها وسيلة لإثبات الوطنية، أنا مستعد أتنازل فورًا"، مردفًا بالقول "لا أعتقد أن الرئيس سيطلب مني هذا الطلب، لكن أنا متأكد لو الرئيس طلب مش هتأخر، لأن جواز السفر الأميركي أخدته لما شافوني مواطن صالح وكانوا عاوزني استنى هناك، لكن أنا رجعت مصر عشان بحب بلدي".

وتحدث قائًلا "هنفذ طلب الرئيس لأني بثق فيه، ونزلت انتخبته في يوم من الأيام، لأني كنت واثق أنه قادر على قيادة الوطن، ولو الرئيس عمل إعلان طالب فيه كل أحد معاه جنسية تانية بالتنازل عنها، هكون أولهم".

ولفت المحافظ "أنا قبل كدا أثبتت وطنيتي، لما سبت شغلي والفلوس والنجاح اللي كنت محققه في أميركا، عشان أرجع أخدم بلدي، ومستعد أقدم تنازلات أكتر من كده، احنا غير الخونة اللي بيعملوا العكس، وبيتنازلوا عن جنسيتهم المصرية عشان الأميركية".

ورد المسيري على سؤال عن حول رأيه فيمن يتنازلون عن جنسيتهم المصرية للخروج من السجون، قائلًا "خونه طبعًا، لأن مصر دي بلدهم الأم، ولأنهم لو غلطوا عليهم يتحاسبوا فيهم، وأنا لو غلط عمري ما هتحامى في جنسية أجنبية".